Walang pagsidlan ng kasiyahan ang Team Asia na pinamumunuan ni “The Magician” Efren “Bata” Reyes matapos magkampiyon sa pinakaunang edisyon ng Reyes Cup.
Dinomina ng Team Asia (11-6) ang powerhouse Team Europe nitong weekend sa Ninoy Aquino National Stadium, Manila.
Sa kabila ng huling paghamon mula sa Team Europe, nanaig ang Team Asia at kinumpleto ang makasaysayang tagumpay.
Muling sinandigan ng Team Asia si Singapore’s Aloysius Yapp, inangkin ang huling panalo kontra Francisco Sanchez Ruiz ng Team Europe.
“It’s a priceless moment for me, but not only for me, I do believe for all of us. To be able to be part of this Reyes Cup and really proud of this one,” sabi ng 2024 Hanoi Cup champion na si Johann Chua.
“I think we played well and hopefully we can still keep the same team next year. I’m really proud of Yapp,” dagdag ng Pinoy champ.
Tinanghal na tournament MVP si Yapp, na labis ang papuri kay Reyes na aniya ay “best coach you could ask for.”
“My mind was so focused in that final rack. I’m proud of the whole team,” bulalas ni Yapp.
“At the start of the week, I was feeling really nervous. I made mistakes, but my teammates and all the fans, and my family, really supported me. They lifted up my spirits especially Efren.
“MVP is not just for me. It’s for all my teammates as well. Even Efren because he’s the best coach you could ever ask for,” ayon pa kay Yapp.
Hawak ng Team Asia ang 9-3 abante sa kabila ng late charge ni Jayson Shaw ng Team Europe. Ngunit tinuldukan ni Yapp ang paghahabol ng kalaban nang ilampaso si Ruiz sa iskor na 5-1.
