Kinumpirma ni Ogie Diaz sa kanyang online show na Showbiz Update na nanliligaw ngayon si Dominic Roque kay Sue Ramirez.

Sabi ni Ogie,”Base sa source ko ay nanliligaw daw itong si Dominic kay Sue.” 

Spotted sina Dominic at Sue sa isang bar sa Siargao habang sweet na sweet at may video pang kumalat na naghahalikan sila.

Ang ex-boyfriend ni Bea Alonzo na raw ang ipinalit ni Sue sa limang taong karelasyon na si Mayor Javi Benitez ng Victorias City, Negros Occidental.

“Balita ko pa ay nagpapadala pa raw ng food itong mommy ni Dominic Roque kay Sue Ramirez,” pagbabahagi ni Ogie.

Nilinaw naman niyang nanliligaw pa lang ang aktor sa tisay na aktres. “Siyempre tinitimpla pa lang ni Sue kung siya na ba pagkatapos nila ni Javi Benitez?”

Ayon pa kay Ogie, mukhang hindi maganda ang paghihiwalay ng aktres at ng mayor.

“Nakakaloka nga dahil kapag may nagkukwento raw kay Sue ng tungkol kay Javi ay parang naiirita raw si Sue! Parang ayaw ni Sue na naririnig ang pangalan ni Javi Benitez.

 “Ibig sabihin hindi sila nagkatapusan ng maganda, maayos? Hindi sila nag-break up na friends pa rin?” 

May disclaimer naman si Ogie na kung itatanggi ito nina Sue at Dom ay okay lang dahil baka pagdating ng araw ay lalabas din ang totoo.