Nadadamay na pati close friend at pamilya nina Anne Curtis at Erwan Heussaff sa “hiwalayan” ng mag-asawa, kaya nagparamdam na ang huli sa social media para ipakitang hindi totoo ang balita.
Unang sinangkot ang co-host sa It’s Showtime ni Anne na si Vhong Navarro na third party daw kaya’t iniwan ni Erwan ang misis.
Later on, ang kapatid ni Anne na si Jasmine Curtis-Smith naman daw ang totoong ugat ng pagkasira ng relasyon ng mag-asawa.
In-upload ni Erwan ang photos nila ni Anne sa Instagram (IG) habang kumakain sa isang restaurant sa Singapore. Caption niya, “Marked Safe” with matching white flag emoji.
“Anne and I have never really posted much about each other online, it’s just how we are,” dagdag niya.
Giit ni Erwan, wala silang dapat patunayan sa publiko. Kaya hindi sila laging nagpo-post ng picture magkasama ay dahil busy sila sa kani-kanilang career.
“We don’t feel the need to prove anything to anyone. But every one has to work on been less gullible online, information can be weaponized.
“This wasn`t a big deal, but imagine it`s something that has real word repercussions. Just because something has lots of views, doesn`t make it real.”
Kasunod nito ay pinayuhan ni Erwan ang netizens, lalo ang nagpapakalat ng fake news, “Take a Facebook detox.”
Maging si Anne ay hindi rin nagpapapatol sa fake news dahil wala naman itong maitutulong sa kanyang showbiz career. (Photo courtesy of Erwan Heussaff)