All-out support ang mag-asawang Mikee Cojuangco at Pasig Vice Mayor Robert “Dudut” Jaworski sa pagpasok sa showbiz ng kanilang anak na si Robbie Jaworski.
Proud parents sina Mikee at Dudut nang pormal ipakilala si Robbien bilang pinakabagong Star Magic talent ng Kapamilya network.
“May the Lord guide you in this new endeavor, son. We love you and will always be here to support you!” pahayag ni Mikee para kay Robbie.
Kahit anak ng basketball player-turned-politician at equestrian Olympian, puring-puri ng ABS-CBN executives ang kanilang bagong talent.
“He’s very humble. I’ve never felt any arrogance from him despite his background, and that’s why he connects with people so easily,” sabi ni Direk Lauren Dyogi, head ng TV Production at Star Magic.
Sa ngayon may mga plano na umano ang Star Magic para kay Robbie, na aminadong celebrity crush ay si Kim Chiu.
