Itinaas ni UP Fighting Maroons’ Joel Diorel “JD” Cagulangan ang Finals MVP trophy sa pagtatapos ng UAAP Season 87.

Siya ay nakapagtala ng 12 puntos, four assists, three steals at two rebounds sa panalo ng UP sa DLSU sa kanilang best-of-three finals series.

Makaraang maglaro sa La Salle High School basketball, lumipat si Cagulangan sa UP at sa kanyang unang taon pa lamang ay tinulungan ang Fighting Maroons magkampeon noong UAAP Season 84.

Naging epic championship-clinching Game 3 ang panalo laban sa Ateneo ng UP, huling nakamit ang titulo noong 1986.

Ngunit si Cagulangan at ang Fighting Maroons kinapos at nagkasya lang sa runner-up finish sa sumunod na dalawang taon– laban sa Ateneo sa Season 85 at La Salle noong nakaraang taon.

Nagsimula sa panalo, tinapos ng senior guard ang kanyang laban para sa UP sa isa na namang kampeonato.